Sinas, Vinluan mihangop sa lifestyle checking
CEBU, Philippines – Ang director sa PRO-7 Brig. General Debold Sinas ug si Cebu City Police Director Police Colonel Gemma Vinluan andam mopaubos sa lifestyle check isip pagsanong sa sugyot ni Senador Richard Gordon, chairman sa Senate blue ribbon committee nga mopaubos sila niini tungatunga niining isyu sa bahin sa Ninja cops.
“Siguro sa akoa ata is naa sa mga 11 to 12 (million),” si Sinas miingon bahin sa iyang mga kabtangan ug mga utang. Samtang si Vinluan kusganong miuyon nga magpa-lifestyle check.
“You can have my assets and liabilities check if you want. How I wish ma satisfied kayo sa aking assets,” si Vinluan miingon kinsa midugang nga bukas kaayo ang ilang pamilya para niini. Gibanabana niyang mokabat sa P9 milyones ang iyang kabtangan ug mipahibalo nga ang iyang kapikas nagtrabaho sab sa United Nations.
Si Sinas miingon nga dugay naman nga direktiba sa PNP ang lifestyle checks apan tungod sa kadaghan sa mga polis kadtong mga polis nga gipangdudahang nalambigit sa binuang maoy prayoridad.
Apan sumala pa niya ang pagpresentar sa mga dokumento bahin sa ubang mga kabtangan lisud kay dili tanang giingong gipanag-iya og polis tinuod. “For example, giestorya didto nga kanang balay is sa iyaha, wala man dokumento nga naa sa iyaha, so you cannot charge it sa iyaha,” si Sinas miingon.
Iyaha hinuong hinabion si Regional Internal Affairs and Services (RIAS-7), Regional Director Police Brigadier Francisco Esguerra aron klaruhon ang sistema sa himuong lifestyle checking ug siguraduhong lehitimo ang mga reklamo batok sa polis. (/IBM)(BANAT NEWS)
- Latest
