Isles: Huyang ang mga ebidensiya
Camille L. Pateres (Banat) - March 21, 2019 - 12:00am

CEBU, Philippines – Ang abogado sa 17-anyos nga suspek sa pagpatay ug pagpanit sa nawong ni Christine Lee Silawan dako ang pagtuo nga mabasura sa korte ang kaso nga gipasaka batok sa iyang kliyente tungod sa kahuyang sa mga ebidensiya.

Samtang ang National Bureau of Investigation (NBI)-7 giingong adunay gihuptang ebidensiya batok sa suspetsado.

Si Atty. Tomas Enrile, direktor sa NBI-7 nibutyag nga nangutingkay na ang ilang cybercrime team og mga ebidensiya.

Matud ni Enrile nga adunay nakuhang ebidensiya ang ilang cybercrime team nga makapalig-on sa kaso.

Si Enrile nagkanayon nga nadiskubrehan nila nga gipang-delete sa suspek ang tanang mga mensahe nila ni Silawan ug nakahatag kini og pagduda sa mga imbestigador.

Kasamtangan nga nakig-coordinate ang mga imbestigador ngadto sa tigdumala sa facebook aron makakuha sila og tanang kopya sa binayloay og mensahe ni Silawan ug sa suspek.

Samtang si Atty. Vincent Isles, abogado sa suspetsado nikwestiyon sa mga ebidensiya sa NBI diin matud niya nga huyang kaayo ilabi na nga wala sila’y testimoniya gikan sa nakakita sa krimen.

Ug dili matino sa footage sa close circuit television (CCTV) camera nga ang babaye ug lalaki nga naglakaw mao gyud si Silawan ug ang suspek.

“Ok sige si Christine to ang naglakaw, walay naka-identify if the two witnesses nga kadtong kauban niya si child X (suspetsado). Weak gihapon kaayo, bisag sila gyud tong duha the fact nga nakuha sila nga nagkuyog a few minutes nga gipatay ang bata, it’s not an indication nga siya gyud ang nagpatay”, pasabot ni Isles.

Matud ni Isles nga adunay discrepancies sa oras nga namatay ang dalagita ug sa oras nga nasigpatan ang duha nga naglakaw diin una nang niklaro ang NBI-7 nga adunay  kalahian sa oras sa mga CCTV sanglit wala kini ma-set sa saktong oras.

“We are destroying a child’s future here, we could have spent some more time researching, kinsa man ning naa sa fb nga maoy ka chat-chat ni Christine a few hours before she was killed”, dugang ni Isles.

Apan gihingusgan ni Enrile nga lig-on ang ilang scientific evidences.

“We are relying on the examination being conducted by our cybercrime investigator, ang approach ng NBI is scientific, hindi po kami gumagawa ng mga haka-haka dito”, matud ni Enrile.

Niabot gikan sa kaulohan kagahapon ang forensic team sa NBI kinsa maoy mo-cross match sa DNA sa biktima ug sa gituohang dugo sa sinina sa suspek.

Matud ni Doctor Rene Cam, chief medico legal sa NBI-7 nga kon magtukma ang cross match nagpasabot nga diha sa crime scene ang suspetsado.

Dugang niini, si Enrile nipadayag nga bukas ang ilang buhatan alang sa mga kakunsabo sa suspek nga buot mamahimong state witness sa kaso. (Rowena D. Capistrano/BDB)(BANAT NEWS)

 

EBIDENSIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with