Trillanes: VP Sara, bana nidawat og kwarta gikan sa gobiyerno sa China

CEBU, Philippines — Ang food company nga giingong partly owned sa bana ni Vice President Sara Duterte nidawat og sobra P319 milyones nga kwarta gikan sa China, matud pa na ni kanhi Sen. Antonio Trillanes IV kagahapon, Biyernes, Oktobre 2.

Gibutyag kini ni Trillanes atol sa press conference usa ka adlaw human ang House prosecutors wala na nipadayun pagpabarug kaniya isip testigo sa impeachment trial ni VP Sara.

Matud pa niya, siya mismo ang nihangyo nga dili nalang siya motestigo para sa prosekusyon para dili na mapun-an ang pressure sa prosekusyon ug mipasalig siyang iyaha nalang ipublikar kun unsa unta ang iyang iwadwad sa impeachment court. Ang kanhi senador niingon nga ang Chinese funds nga gihatag ngadto sa mga kompanyang konektado sa bise presidente dunay bug-at nga implikasyon sa nasudnong seguridad , kana palang daan paigo na ang gibug-aton para ma- impeach ug ma- disqualify siya sa public office.

"Dapat kilabutan po tayo dito... Bawal po iyan. Bawal tumanggap from a foreign government, especially high-ranking official ang vice president," matud pang Trillanes.

"Kapag hindi pa ba impeachable iyan, ewan ko nalang. Nagbubulag-bulagan tayo,” dugang pang Trillanes.

Si Duterte daan nga kusganong nihimakak sa alegasyon nga naa siyay “unexplained wealth.”

Niadtong Abril, giakusahan ni VP Sara si Trillanes nga gibalik-balik lang ang daan na kaayong mga alegasyon batok sa iyang pamilya sugod palang niadtong 2016, pero karong panahona, naa nay makinaryang nagpaluyo kang Trillanes.

Basi sa official Securities and Exchange Commission (SEC) records, gipasangil ni Trillanes nga kaning kwarta gikan sa Chinese government-linked entities and corporations gipaagi sa Cale88 Foods Corp., usa ka kompanyang konektado sa bana sa bise presidente nga si Atty. Manases "Mans" Carpio.

Mismo si SEC Director Gerardo Del Rosario nitestigo atol sa impeachment trial nga si Carpio kaniadto incorporator, director ug shareholder sa Cale88 gikan 2021 hangtud 2024, ug ang iyang share nisaka og 47.5% sa 2024, sa wala pa kini nawala pag 2025.

Walay interes si Duterte Cale88, apan alang kang Trillanes, wala na magpasabot nga wala siyay tulobagon ana.

"Dito sa atin, conjugal properties 'yan. 'Yung pagmamay-ari ng asawa, kailangan ideklara mo," dugang pang Trillanes.

Dugang pa ni Trillanes nga gi-divest ni Carpio gikan sa Cale88 niadtong 2025 ang iyang share, samang panahon nga gisang-at ang unang impeachment complaint batok sa bise presidente.

Gibutyag sab ni Trillanes pinaagi sa mga record nga ang Tapang at Malasakit Alliance for the Philippines Inc., usa ka Davao City nonprofit nga organisasyon nga gitukod ni Duterte nakadawat og P150 milyones gikan sa Embassy of the People's Republic of China.

Basi sa iyang SALN, gibutang ni Duterte nga incorporator siya sa maong organisasyon. Apil sa trustees niini mao si Duterte, "Maria Laarni Cayetano," nga gipasumbingay niyang asawa ni Sen. Alan Peter Cayetano ug "Jefry Tupas," nga matud pang Trillanes sinaligang staff ni Duterte.

Ang financial statement sa grupo nga gipakita sad ni Trillanes, nagpakitang ang kwarta donasyon para sa pagtukod og 13 classroom buildings. Ang proyekto gihimo ubos sa kasabutan sa embahada sa China ug koordinasyon kauban sa Department of Education sa Davao City. Ang organisasyon nakadawat og P150 million sa 2019 ug gi disburse ang kataposang P8.42 million atong 2020.

Dokumentado ug nigawas sa mga balita ang maong donasyon ug kalihokan, gani sa ground breaking niadtong Oktobre 5, 2018 mayor pa si VP Sara ana ug nitambong sa groundbreaking sa Agdao Elementary School si Chinese Ambassador Zhao Jianhua.

Namahayag pa si Zhao nga regalo kadto isip pagpasalamat kang kaniadto presidente Rodrigo Duterte tungod sa iyang polisya ngadto sa China. — /IBM (BANAT NEWS)