Davide: Probinsya sa Sugbo luwas pa gihapon

CEBU, Philippines – Bisan pa man sa mga sagunson nga mga pagpatay nga nahitabo dinhi sa Sugbo, gikonsiderar pa gihapon ni Gobernador Hilario Davide III nga luwas ang probinsya kon itandi sa sitwasyon sa Dakbayan sa Sugbo.

Si Davide nagkanayon nga makapabalaka kining mga panghitabo ug niawhag sa katawhan nga magbantay kanunay. Si Davide niuyon sa pamahayag ni Cebu City Mayor Tomas Osmeña nga dili na luwas ang dakbayan.

“Sa Cebu City I can share the opinion of Mayor Osmeña, pero sa atong probinsya, I believe we are still safe dinhi,” matud ni Davide.

Si Davide subli nga miawhag sa kapolisan nga kinahanglan gyud pangusgan ang police visibility ug kanunay nga magpatrolya sa kadalanan aron mapakgang ang krimen.

Si Davide uyon sa pag-recall sa mga police escorts sa mga public officials aron sila makatabang sa police deployment sa kadalanan. (/IBM)(BANAT NEWS)