Militar gi-deploy sa mga pantalan

Mayenne Carmona (Banat) - July 22, 2017 - 4:00pm

CEBU, Philippines - Gitataw sa tigpamaba sa Armed Forces of the Philippines-Central Command (CENTCOM) nga si Col. Medel Aguilar nga wala silay na-monitor nga rebeldeng grupo sa Sugbo apan ilang gipahugtan ang seguridad sa kabaybayonan sa habagatang kasadpan sa lalawigan.

Ang maong pamahayag subay sa nahitabong pagpang-ambush sa patrol car sa kapolisan sa Guihulngan City, Negros Oriental niadtong Biyernes diin nakalas ang unom ka polis lakip na ang hepe niini nga si PSupt. Arnel Arpon.

Nunot niini si Aguilar niawhag sa publiko nga magbinantayon kanunay ug makigtinabangay kanila alang sa kalinaw kay mao kini ang makapakgang sa dautang plano sa mga rebeldeng grupo.

Daku ang iyang katahap nga mga sakop  sa New People’s Army (NPA) gyud ang nagbuhat sa maong pagpamanhig kay walay laing rebeldeng grupo ang maong lugar.

Gihangop sab ni Bise Gobernador Agnes Magpale sa pagdeploy sa AFP ug kapolisan ngadto sa mga pantalan sa habagatang-kasadpan sa lalawigan alang sa dugang seguridad sa Sugbo. Iya sab giawhag ang publiko nga abtik gyud kon adunay mga kadudahang tawo.

Si Cebu Archbishop Jose Palma nasubo sa gidangatan sa mga namatay nga polis sa Guihulngan City.

Matud niya nga makapasubo kini ug nagpahinumdum kini sa tanan sa reyalidad sa NPA. Giawhag niya ang katawhan nga iampo ang mga nitaliwan nga polis ug ang ilang gibiyaan nga mga pamilya.

Si Police Supt. Carlos Dela Cuesta, Deputy for Operations sa Negros Oriental Provincial Police Office nibutyag nga hangtod karon padayon nilang gigukod uban ang military, ang 50 ngadto sa 60 ka gituohang sakop sa NPA nga namanhig. - Camille L. Pateres, Rowena D. Capistrano ug Le Phyllis F. Antojado/DILT) (BANAT NEWS)

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with