Phase 2 sa Tabunok market sugdan na
Gabriel Bonjoc (Banat) - March 23, 2017 - 12:00am

CEBU, Philippines - Makasugod na ang kontraktor sa pag-ugmad sa phase 2 sa bag-ong merkado sa Tabunok, Dakbayan sa Talisay.

Kini human gi-award na ngadto  sa Tuanson Construction ang phase 2 samtang susihon pa sa Bids and Awards Committee (BAC) ang kontraktor nga nagbase sa Manila nga mougmad sa phase 3.

Ang Tuanson Construction ang nagtrabaho sa phase 1 sa merkado nga gikatakda nga mahuman na karong Abril nga mas sayo sa gitagal nga petsa.

Ang BAC chairman nga si Edgar Mabunay kinsa mao sab ang budget officer niingon nga ila na nga gi-award sa Tuanson ang phase 2.

Matud niya nga dili na maglisud ang Tuanson sa ikaduha nilang proyekto tungod kay naa na man daan ang ilang mga ekipo sa lugar nga ilang ugmaron.

Gustong ipahuman ni Mayor Eduardo Gullas ang ikaduha ug ikatulo nga hugna sa buwan sa Oktubre.

Ang phase 2 sa merkado mao ang mga stalls sa utanon, karne ug isdaan samtang ang phase 3 mao ang sewage treatment facility nga mokantidad og P113 milyones.

Si Mabunay nagkanayon nga ila pang susihon ang kontraktor nga nagbase sa Manila kun ang IM Bongar Co. Inc. aduna ba’y kasinatian sa pagtrabaho  sa facility. (BANAT NEWS)  

DAKBAYAN TABUNOK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with