Proyekto sa Naga paspasan ni Chiong

CEBU, Philippines - Gusto ni Naga City Mayor Kristine Vanessa Chiong nga mapaspasan ang pagpatuman sa mga proyekto nga iyang ipatuman aron mapuslan dayon sa mga Nagahanons.

Usa niini mao ang mga proyekto sa iyang amahan nga si kanhi mayor Valdemar Chiong nga iyang mapadayon

Daku ang kahimuot ni Mayor Chiong nga masibog ang piniliay sa Barangay ug Sangguniang Kabataan aron dili mahunong ang pagpatuman sa mga proyekto.

Nasayran nga nagka-uyon na ang Kongreso ug Senado sa pag-oktaba sa eleksiyon apan wala pay balaud nga napasar.

Daan nang nipadayag ang Commission on Elections nga uyon kini sa pagsibog sa piniliay sa Barangay ug SK tungod kay bag-o lang nag-eleksyon niadtong Mayo.

Bisan si Presidente Rodrigo Duterte nipadayag og pag-uyon sa pagsibog sa eleksyon.  (BANAT NEWS)