Nibalik sa ilegal nga negosyo priso
CEBU, Philippines - Gibalhug sa detention cell sa Presinto 6 sa Mandaue City Police (MCPO) ang pusher og shabu kinsa nitahan sa Oplan Tukhang apan nadakpan kini sa paglabay sa pipila ka adlaw sa iyang pagbalik sa ilegal nga kalihukan.
Si Police Officer 1 Jomar Guadario sa Presinto 6 sa MCPO niila sa suspek nga si Jackson del Valle, 24-anyos, taga Barangay Canduman.
Matud ni Guadario nga si del Valle maoy kabahin sa 264 ka nalambigit sa ilegal nga drugas nga nisanong sa Oplan Tukhang.
Giingong nibalik sa naandan nga negosyo ang suspek hinungdan nga gipahigayon ang buy-bust operation.
Sa mga nitahan, matud ni Guadario nga napulo ang pushers ug 254 ang niangkon sa ilang kaugalingon nga nigamit gyud og shabu ug marijuana. (BANAT NEWS)
- Latest