Cuevas imbestigahon gyud sa CSC
(Banat) - January 30, 2016 - 9:00am

CEBU, Philippines - Nahukman sa Civil Service Commission (CSC) nga imbestigahon gyud si Cebu City Treasurer Diwa Cuevas kabahin sa walo ka kaso’ng administratiba nga gipasaka ni kanhi Mayor Tomas R. Osmeña.

Si Karin Litz P. Zerna, regional director sa CSC-7, nimando ni Cuevas nga mosumiter sa iya’ng counter-affidavit sulod sa 72-oras.

Ang kaso nga gipasaka ni Osmeña batok kang Cuevas gibase sa adverse opinion sa Commission on Audit (COA) kabahin sa mga transaksyon sa Cebu City Hall niadto’ng 2013.

Matud ni Osmeña nga dili gyud unta mopagawas si Cuevas og kuwarta gikan sa panudlanan sa dakbayan kun nasuta niya nga kalapasan kini sa Government Accounting and Auditing Manual (GAAM).  Usa sa giingong sayop ni City Treasurer Cuevas mao ang kapakyas niya sa pagbalhin ngadto sa special trust fund sa P105 milyones nga gahin alang sa calamity nga wala mahurot paggasto sa tuig 2013.

Si Osmeña niingon nga isip treasurer, si Cuevas nasayud gyud sa state audit procedures apan bisan pa niini nakahimo gihapon siya og kasaypanan.

Matud ni Cuevas nga gituman ra niya ang iya’ng katungdanan tungod kay sa dili pa moabot kaniya ang mga dukomento nga nagmando nga bayaran ang mga obligasyon sa dakbayan, gihimoan na kini og pre-audit sa City Accounting Office.

Ang direktor sa CSC-7 niingon nga si Cuevas makahimo sa pagkuha og abogado nga makalaban kaniya sa pagtubag sa kaso, ilabi na atol sa pagpahigayon sa pormal nga imbestigasyon.  Si Mayor Michael Rama nipasalig nga si Cuevas panalipdan gyud sa mga abogado sa dakbayan.  (BANAT NEWS)

ANG ATILDE CEBU CITY HALL CEBU CITY TREASURER DIWA CUEVAS CITY ACCOUNTING OFFICE CITY TREASURER CUEVAS CIVIL SERVICE COMMISSION CUEVAS GOVERNMENT ACCOUNTING AND AUDITING MANUAL NGA OSME
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with