^

CHR nagpaabot sa reklamo

(Banat) - November 13, 2015 - 9:00am

CEBU, Philippines - Andam modawat ang Commission on Human Rights sa reklamo labot sa pagkamatay sa usa ka bata sa Minglanilla District Hospital.

Apan matud ni CHR-7 Special Investigator III Leo Villarino nga ang reklamo ila’ng iduso sa tukma’ng ahensiya nga mohimo og lawom nga imbestigasyon tungod kay wala sila’y kapasidad sa pag-imbestigar sa usa ka doktor. Gipasabot ni Villarino nga igo ra sila sa pagtabang sa mga biktima aron makabaton og mga dokumento nga magamit sa ila’ng mga reklamo.

Nasayran nga nakakita ang Integrated Provincial Health Office og sipyat nga nahimo sa tambalanan. Gihagit ni Villarino ang IPHO nga pasakaan gyud og tukma’ng kaso ang mga tawo nga naglambigit sa kamatayon sa bata.

Samtang ang IPHO ang nagsugod na usab sa pakisusi sa dugang duha ka kaso sa pagkamatay nunot sa giingong pagpabaya sa mao gihapon nga tambalanan.

Gimanduan sa hepe sa IPHO, Dr. Cynthia Genosolango, ang kadagkuan sa tambalanan sa pagsusi sa records sa mga biktima nga nahitabo niadto’ng Hulyo ug Oktubre.

Gimanduan usab ni Genosolango ang hepe sa tambalanan nga si Dr. Clinia Seguerra sa dili paghatag og pamahayag bahin sa isyu aron dili masayop. Niadto’ng Hulyo 13, usa ka Honey Alipar nga taga Deca Homes, Tungkil, Minglanilla nibutyag nga wala dayun naatiman ang iya’ng anak nga si Jamaica gumikan kay wala’y tambal hinungdan nga namatay.

Susamang insidente nahitabo niadto’ng Oktubre 7. (Rowena D. Capistrano ug report sa The Freeman/GMR)(BANAT NEWS)

ACIRC ANG DECA HOMES DR. CLINIA SEGUERRA DR. CYNTHIA GENOSOLANGO GIMANDUAN HONEY ALIPAR HULYO HUMAN RIGHTS INTEGRATED PROVINCIAL HEALTH OFFICE NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with