Bag-ong Metropolis damgo ni Winston
Brenda Batuto (Banat) - September 17, 2015 - 10:00am

CEBU, Philippines - Gibutyag ni kanhi bokal Winston Garcia ang iya’ng mga plano kung unsaon nga mosulbong ang kalamboan sa Sugbo kung siya mamahimo’ng gobernador.

Kini naglakip sa pagdugang sa runway sa Mactan-Cebu International Airport (MCIA) ug pagbalhin sa Cebu International Container Port aron maka-accommodate sa dagkung eroplano ug barko direkta gikan sa ubang nasud.

Matud niya nga ang MCIA dili matawag nga international airport tungod kay duna lang kini’y usa ka runway.

Samtang ang Cebu International Container Port nagkamabaw usab ug dili na makadunggo ang dagku’ng barko.

Matud ni Garcia nga aron maka-compete sa global economy, kinahanglan nga i-upgrade ang airport ug seaport ug maghatag og lugar nga molambo ang industriya.

Buot si Garcia nga ang gibayad nga P14-bilyones nga premium sa GMR-Megawide Corporation sa pag-ugmad sa Terminal 2 ang gastuhon sa pag-ugmad sa ikaduha’ng runway sa MCIA.

Ang International Container Port kinahanglan nga ibalhin sa mas lapad ug lawom nga lugar sa lungsod sa Consolacion ug Liloan pinaagi sa pag-reclaim.

Gisugyot usab ni Garcia nga sa habig sa dakbayan sa Talisay paingon sa dakbayan sa Carcar ang pag-reclaim og 5,000 ektarya alang sa commercial, industrial ug mix-use purposes.

Matud ni Gacia nga kung mapatuman ang mao’ng kaugmaran ubay-ubay usab ang mga Sugboanon ang mahatagan og kahigayunan nga makatrabaho.

Si Garcia nagkanayon nga sulod sa tulo ka tuig nga siya ang gobernador himuon ang bidding sa mga proyekto nga dili mogasto ang kagamhanan bisan  usa ka sentimo.

Kini gumikan kay ipaubos kini sa public-private partnership ug ang iya lang gikinahanglan mao ang authority gikan sa nasudnong kagamhanan sa pagpatuman sa mga proyekto.  (BANAT NEWS)

ANG ANG INTERNATIONAL CONTAINER PORT CEBU INTERNATIONAL CONTAINER PORT GARCIA KINI MACTAN-CEBU INTERNATIONAL AIRPORT MATUD MEGAWIDE CORPORATION NGA SI GARCIA WINSTON GARCIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with