^

Nanulis sa gasolinahan nadakpan

Bryner L. Diaz (Banat) - March 29, 2015 - 12:00am

CEBU, Philippines - Nasikop sa mga polis sa Alegria ang duha ka armadong tulisan nga mitulis sa usa ka gasolinahan  sa lungsod sa Malabuyoc pasado  ala-una kagahapong adlawa sa Barangay Madridejos.

Wala hinuon mosukol sila si Adelaido Inanoria Jr. ug si Marvin Canilada, 25, nga pulos taga Carcar City.

Si Police Officer 2 Jupiter Elargosa sa Alegria Police Station miingon nga  dunay mitawag kanila kabahin sa pagpanulis ug  gisultian sa gisul-ob sa duha lakip na sa motor nga ilang gisakyan.

Tuod man, dali silang nakabutang og roadblock sa utlanan sa Alegria ug sa Badian ug didto sila nadakpan.

Nakuhaan ang duha og kalibre .357 nga revolver ug kapin sa P2 mil nga kwarta.

Si Senior Police Officer 3 Mario Paler sa Malabuyoc Police Station miingon nga didto nanulis sa Poblacion II nga gipanag-iya ni Barangay Kapitan Lito Narciso Crios III.

Matud pa nga gitionan sa duha ka tulisan ang pump boy ug dayong kuha sa kinitaan sa gasolinahan nga P7,780 ug dayong sibat. (BANAT NEWS)

ADELAIDO INANORIA JR. ALEGRIA ALEGRIA POLICE STATION BARANGAY KAPITAN LITO NARCISO CRIOS BARANGAY MADRIDEJOS CARCAR CITY JUPITER ELARGOSA MALABUYOC POLICE STATION MARIO PALER MARVIN CANILADA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with