PhilPost padayon sa iyang kinitaan

Liezl Mabini Frasno (Banat) - October 14, 2013 - 12:00am

CEBU, Philippines - Nagpabiling wa malupigi ang  kinitaan  sa koreo luyo  sa  mga  kabag-ohan ug  modernong  pamaagi  sa  pagpadala og  komunikasyon  karong  panahona.

Mao kini  ang  gipahayag  ni Area Director  Carlo Reynaldo S. Argana, CESO III  sa Philippine Postal Corporation (PhilPost).

Matud pa  ni Argana  nga  nagpadayon ang  publiko  sa paghatag  og  pagtagad  sa koreo kon PhilPost  tungod kay  luyo  sa nagpabiling  menus  ra  ang  ilang bayran  sa ilang  mga suwat  nga  ipadala  dinhi  lang sulod sa nasud  o  kaha  ngadto  sa gawas.

Miingon  si Argana  nga  bisan  tuod  miuso  na ang  mga  cellphone, diin  sama  sa kilat kadali  muabot  sa usa ka mensahe gikan sa usa ka tawo  paingon  ngadto  sa iyang  padad-an  niini,  apan  ang  uban  misalig  sa gihapon  sa PhilPost  isip  agianan  sa ilang  ipadala  nga mensahe  ilabi  na  sa mga  dapit nga wala’y cell site. Sa laing  bahin gipaabot  usab  sa taga  PhilPost  nga  daghan  ang  mosalmot   sa letter writing  contest  nga  ipahigayon  unya  sa Nobiyembre 8, 2013 nga  maoy  regional draw sa  maong bangga.

Kini  human  sa bangga  nga  gihimo  dinhi sa lalawigan  kaniadtong  Oktubre 9, 2013 nga  gipaagi  sa koreo  sa tag P7 ang matag  stamp.

Ang  mga  misalmot  nagpadala og  mga  suwat  nga  may  tema  nga “Salamat Po” ngadto  sa ilang  mga  minahal sa kinabuhi, mga kaila  ug  higala  sa nagkalainlaing  bahin  sa nasud.

Ang  ikaduhang bangga  sa pagsuwat  may  ulohan  nga  "How music can touch lives".

Matud pa ni Argana  nga  padayon  pang gihagpatan  karon sa taga  PhilPost  ang  maong  mga suwat  nga  gipadala  gikan  sa Sugbo  ug  nadawat sa ilang  mga  buhatan  sa nagkalainlaing  bahin sa Luzon, Metro Manila,  ug  sa Kabisay-an.

Matud pa ni  Argana  nga  matag  lalawigan  may  tagsa  ka  salmot ang  modaug  nga  may ganti nga P3 mil cash  sa  entrante  ug  P3 mil  usab ang  balor sa mga  school  supply  alang sa eskuylahan  sa mananaug.

Hinuon  midugang si Argana  nga  sa grand  draw winner  makadawat  kini  og  P30 mil nga cash ug P30 mil  usab  nga  mga school supply  alang  sa eskuylahan  sa maong  mananaug. (/WC) (BANAT NEWS)

AREA DIRECTOR ARGANA CARLO REYNALDO S MATUD METRO MANILA PHILIPPINE POSTAL CORPORATION SALAMAT PO
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with