Pagpalawom sa Mahika Creek nagpadayon pangandam sa ting-uwan

CEBU, Philippines — Pagpalawom sa Mahiga Creek kasamtang nagpadayon niining panahon sa ting-init diin nalakip kini sa gituki sa gihimong panagtagbo sa Mandaue City Environment and Natural Resources ug Cebu City Environment and Natural Resources niadtong niaging adlaw.

Lakip sa niatmbong sa maong board meeting ang mga sakop sa Department of Public Works and Highways (DPWH), City Engineering Office ug City Planning Development Office sa Dakbayan sa Mandaue City.

Nitambong usab ang pipila ka sektor nga nagpakabana sa kalikupan sa maong siyudad.

Nunot niini ilang gihisgotan ang update kabahin sa Mahiga Creek dredging pagpalawom sa sapa aron pagsulbad sa pag-awas niini nga maoy hinungdan sa baha kong kusog ang uwan.

Nasayran nga kasamtangan karong nagpadayon ang gihimo sa Dakbayan sa Mandaue ug Dakbayan sa Sugbo ang pagtambayayong sa paghimo og mga pamaagi sa pagpanalipod sa sapa ug kalikupan.

Subay niini, ang Dakbayan sa Mandaue padayon nga nagpadayon sa pagpanglimpiyo sa sapa ug nanawagan usab sila katawhan sa husto nga paglabay sa ilang mga basura. (BANAT NEWS)