PRO7 nagtuong duna pay mga opisyal sa NPA nga nia sa CV
CEBU, Philippines — Human sa pagkadakop sa Top 1 most wanted person sa Caraga Region nga gitumbok nga usa ka taas nga opisyal sa NPA sa miaging semana sa Lungsod sa Consolacion nagtuo ang Police Regional Office(PRO)-7 ang posibilidad nga naa pay mga sakop sa Communist Terrorist Group (CTG) nga nagtago sa Central Visayas.
Kahinumduman si Romulo Micabalo alyas Ned o Lukad nasikop sa Purok 8, Barangay Pitugo lungsod sa Consolacion niadtong Abril 8, 2024 pinasikad sa warrant of arrest sa kasong kidnapping ug serious illegal detention and robbery with threat and intimidation nga giluwatan ni Judge Fernando Fudalan sa RTC sa Bayugan, Agusan del Sur.
Sigon ni Police Lieutenant Colonel Gerard Ace Pelare, tigpamaba sa PRO-7 nga ang Central Visayas usa sa mga adtoanan sa mga NPA o CTGs nga ganahan magpahuway ug bakasyon.
"Mao ‘to through the coordination with Armed Forces of the Philippines ato siyang na monitor dayon nag launch ta og operations in serving of his warrants of arrest which resulted in his arrest, daghan ta og information nakuha from him which we are going to use for further police operation," sigon ni Pelare.
Nasayran nga tulo sa semana pa lang naabot sa Sugbo ang dinakpan kuyog ang iyang pamilya aron motago human milusot ang iyang mga warrants of arrest.
Wala pay kongkretong impormasyon ang kapulisan sa unsay tumong sa maong dinakpan dinhi apan gituohan ni Pelare nga posibleng gusto na kining mopuyo og normal.
“Bisan gusto naka mag bag-o pero naa man kay warrant of arrest but you need to face it. Otherwise, dili gyud ka ka live og normal life. Atong i-remind again ang atung katawhan nga kung naay nagsigeg pangilad ninyu nga to join CTG NPA tan-awa ninyu ang consequence, there’s a person who wants to live a normal life but he cannot anymore because he needs to face cases," ni Pelare pa. — /IBM (BANAT NEWS)
- Latest
