Palibot sa Talisay City Hall gilimpyohan sa laya nga dahoon
CEBU, Philippines — Aron malikay sa pag-ulbo sa sunog, gilimpyohan sa mga laya nga dahon ang palibot sa Talisay City Hall.
Suma pa ni Edwin Nierves, pangu sa Material Recovery Facility nga nagtinabangay ang mga sakop sa Ecological Solid Wasted Management, Anti-Vending Task Force ug MRF aron malimpyo ang palibot sa City Hall.
Sa nasayran ang City Hall sa Talisay gipalibotan og mga dagkong kahoy nga maoy hinungdan sa pagpasad sa mga laya nga dahon.
Gilikayan nila ang mga panghitabo sama sa grass fire sa nagkalain-laing dapit ingon man sa bukirang barangay sa Talisay.
Dugang pa ni Nierves nga ilang gilabay ang pipila ka laya nga dahon apan ang uban ilang gilahi aron ibutang sa MRF o ipakaon sa ilang mga “od”.
Nanghinaot si Nierves nga mao sab unta kini ang buhaton sa Talisaynon aron gawas sa kalimpyo sa palibot malikayan usab nga mahitabo ang sunog. (BANAT NEWS)
- Latest
