P11M shabu nasakmit
CEBU, Philippines — Niabot sa kapin P11 milyones nga balor sa ilegal nga drugas ang nasakmit sa mga operatiba sa Provincial Intelligence Unit sa Cebu Police Provincial Office(CPPO) sa ilang buy-bust sa Barangay Jugan, Lungsod sa Consolacion kagabii.
Nakuha sa mga operatiba ang 1,600 gramong gituohang shabu gikan sa usa ka 46 -anyos nga lalake nga taga Barangay Dungig, Sta. Teresita, Cagayan Valley. Nagkanayon ang suspek nga gisugo lang siya sa pagpamaligya og illegal nga drugas ug sayod siya nga drugas ang iyahang bitbit. Giangkon hinuon niya nga ikaupat na kini ka higayon siyang nagbalik-balik sa Sugbo aron maghatud og shabu.
Ang unang anhi niya niadtong Enero diin usa ka kilo sa drugas ang iyahang dala, sa buwan sa Marso kaduha ka higayon siya nakabalik diin nagdala siya og usa ug tulo ka kilong shabu dayon katapusan niyang balik upat ka kilo ang iyahang bitbit.
Bayaran matod pa ang suspek og P30, 000 kada kilo nga iyahang ma dispose. Gumikan matud pa sa kalisod maong nisulod sa maong illegal nga kalihukan ang suspetsado.
Nag-bus ra matud pa ang suspek sa pag-anhi sa Sugbo diin gikan sa Manila agi sa Batangas adto dayon Caticlan, Bacolod ug Cebu.
Subay niini, si Police Colonel Percival Zorilla, Provincial Director sa Cebu Police Provincial Office miingon dili gyud molugak ang kapulisan sa paggukod sa mga illegalista alang sa kahapsay ug kalinawo sa komunidad.
Samtang sa tulo ka adlaw nga Simultaneous Anti- Criminality Law Enforcement Operation (SACLEO) miabot P900 mil nga gituohang shabu gikan sa 36 ka mga pushers ang nasakmit sa mga sakop sa Lapu-Lapu City Police Office.
Gihimo ang mga sakop sa City Intelligence Unit (CIU) ug City Drug Enforcement Unit (CDEU) uban sa lima ka mga police station sa LCPO nga ubos sa superbisyon ni OIC Director Police Colonel Baron ang nagpahigayon og 11 ka mga managkalahing buy bust operation sa nagkalainlaing dapit sa dakbayan nga maoy hinungdsan sa pagkasikop sa 36 ka mga pusher nga gilangkoban sa 2 ka mga High Value Individual ug 34 ka mga Street Level individual (SLI) nga mga pushers. Romeo Marantal, Romeo T. Limpangog (BANAT NEWS)
- Latest
