Range 999, Cuervo gidala na sa Cebu City Jail

CEBU, Philippines — Gidala na kagahapon ngadto sa Cebu City Jail si Jed Andrew Salera o mas naila sa pangalan nga Range 999 ingon man si Arbie Cuervo ang “Little Cardo Dalisay” sa Cebu.

Ang duha parehong nalutsan og commitment order gikan sa korte aron ibalhin ngadto sa CCJ.

Gikataho nga si Range 999 nabilanggo diha sa Mabolo Police Station niadtong Marso 27, 2024 human kini nakapusil patay sa 37-anyos nga American National diha gawas sa usa ka bar sa Barangay Lahug Siyudad sa Sugbo.

Samtang si Cuervo nag-viral kini sa social media tungod kay mamahad ug manamak og tiil kong dili hatagan sa iyang pagpanaygon ang nadakpan niadtong Marso 9, 2024 tungod sa paghupot og dili lisensiyadong armas.

Sa wala pa gidala si Range 999 sa CCJ gibisita kini sa iyang ginikanan, kaparyentehan, higala ingon man sa iyang hinigugma.

Dihang padulong na kini nga ihatud ngadto sa CCJ nanamilit na kini sa iyahang mga kaubang piniriso sa custodial facility sa Mabolo Police Station diin siya maoy mayor ug matud ni Range 999 giisip na niya nga mga igsuon ang mga nakauban niya sa prisohan.

Sa iyang bahin, si Cuervo nangayo og pasaylo sa iyang mga nasad-an ug nagkanayon kini nga magbag-o na.

Matud ni Cuervo nga mag-vlogger siya ug ang content unya sa iyahang mga vlog  mga kanta sama sa iyahang gikanta kagahapon nga ang title “Sa Kabilang Buhay”.

Giingong excited usab kini nga makita o maka-collaborate si Range 999 tungod kay kahibawo usab siya nga mo-rap gani nihatag kini og sample sa nahisgutang kanta nga iyahang kantahon sa jeep kong manaygon kini. (BANAT NEWS)