Skate park sa Talisay buksan na
CEBU, Philippines — Human sa usa ka tuig nga pagtrabaho buksan na karong adlawa ang skate park sa Dakbayan sa Talisay.
Sayo pa, si Mayor Gerald Anthony Samsam Gullas, Jr. nibutyag nga usa kini ka damgo sa iyang administrasyon nga makabaton ang Talisay og skate park.
Nakita ni Gullas nga walay tarong o diha lang sa karsada makita ang mahiligon sa skateboarding magpahigayon sa ilang pag-ensayo.
Ang Pilipinas naila sa skateboarding pinaagi ni Margielyn Didal nga kampiyon sa Olympics.
Ang maong skate park gisugdan kini sa pagtrabaho niadtong buwan sa Abril sa niaging tuig.
Matud ni Gullas nga mao na kini ang higayon nga ang mahiligon sa skate aduna nay lugar diin adto makabansay.
Gawas sa skate park anaa usab ang mga pagkaonan ug uban pa nga talan-awon diha sulod sa compound sa Talisay City Hall. (BANAT NEWS)
- Latest