Davide misuporta ni Garcia kabahin sa pagpahunong sa BRT
CEBU, Philippines — Bisan og dili kaalyado sa politika gisuportahan ni bise gobernador Hilario Davide III ang baroganan ni gobernador Gwendolyn Garcia nga ihunong ang pagtrabaho sa Cebu Bus Rapid Transit sa Osmeña Boulevard dapit sa Cebu Capitol building. Matud ni Davide nakighiusa siya sa iyang mga kauban sa legislative nga nisuporta sa gobernador sa pagpanalipod sa Capitol building nga usa ka national land mark ingon man sa Fuente Circle Vista Corridor.
Sa nasayran si Garcia niluwat og cease and desist order pagpahunong sa trabaho sa BRT partikular na ang bus terminal niini nga giingong makaguba sa facade o hulagway sa Kapitolyo. Tungod sa maong gihimo ni Garcia, gikiha siya ni Cebu City mayor Michael Rama og kasong administratiba ngadto sa buhatan sa presidente.
Human sa pagkiha kang Garcia, ang nagkadaiyang grupo sa mga opisyal sa Sugbo sama sa League of Municipalities (LMP-Cebu Chapter), mga kongresista, mga mayor sa component cities sa Probinsya, ug mga bise mayor mipadayag sa ilang hugot nga suporta sa gobernador. “Protecting and preserving this historical landmark is a duty and responsibility that Gov. Gwen has sworn to fulfill. I am, thus, confident the Office of the President will sustain her position" matud ni Davide ug midugang "I got your back, Guv." MEL BANAT NEWS
- Latest
