Unemployment rate nikunhod suma sa DOLE-7
CEBU, Philippines — Natala sa Department of Labor and Employment DOLE-7 ang 5.2 porsyento nga pagkunhod sa unemployment rate sa Central Visayas ning pagtapos sa tuig 2023.
Ang DOLE-7 mihulagway nga milig-on ang job opportunity sa rehiyon diin kaniadto mitala kini og 5.8percent.
Gituhuan nga nakatampo niini mao ang pabukas na pagbalik sa ubang mga kompaniya nga inanay nang nakabangon gikan sa epekto sa mga nangaging katalagman.
Matud pa ni Director Lilia Estellore, sa DOLE 7 naa sa 70 porsyento sa dul-an 3mil ka mga kompaniya nga ilang nasubay ang mituman sa 33 pesos nga umento sa sweldo diin gisugdan na niadtong buwan sa Oktubre.
Gibutyag ni Estellore, adunay nihangyo og exemption tungod kay dili pa makasarang sa paghatag sa umento sa suholan ilabi na kadtong mga gagmayng negosyante.
Target karon sa maong ahensya nga palamboon ang ilang serbisyo sa tuig 2024 diin lakip niini ang pagpatuman og mga programa nga makatabang sa pag develop sa kinaadman og katakos sa mga tawo alang sa ilang panginabuhian. (BANAT NEWS)
- Latest
