40 ka PDL  sa Cebu  City Jail  gitudloan  sa  pagpanupi

CEBU, Philippines —  Moabot sa 40 ka mga Persons Deprived of Liberty (PDL) sa Cebu City Jail Male Dormitory ang nigradwar sa ilang lima ka adlaw nga Haircut Training nga gitanyag sa Hair Aid, usa ka Australian Charity Organization.

Ang maong kolaborasyon nahitabo subay na sab sa tabang sa Cebu Caritas Inc.

Mapasalamaton ang kadagkuan sa Cebu City Jail Male Dormitory gumikan kay natudloan ang mga PDL sa pagpanupi nga mahimo nilang magamit kun sila makagawas na sa prisuhan.  Ang mga mitudlo sa mga PDL mao ang mga volunteers nga sila si Sarah Lavelle, Nathan Armagnacq, Chris Jordan, Mark Tomasich ug Hamish Church.

Samtang si Selina Tomasich, maoy CEO sa Hair Aid gipasalamatan sab sa pagtabang sa mga PDL nga makat-on og laing livelihood skill isip pagpangangam sa ilang reintegration kun pagsagol balik sa komunidad kun sila makagawas na.

Giila sab nila ang tabang sa Integrated Bar of the Philippines IBP Cebu City Chapter sa paghatag og paniudto sa 40 ka mga PDL ug mga volunteers ingon man sa BJMP personnel.

Si Jail Superintendent Gregorio Acacio, Warden sa Cebu City Jail Male Dormitory nagpasalamat sa Hair Sid ug Cebu Caritas Inc. sa pagtabang sa mga PDL. (BANAT NEWS)