Lumad Basakanon nagbangotan sa pagtaliwan ni Ballesteros

CEBU, Philippines — Usa ang grupo nga Lumad Basakanon sa mga nagbangotan sa pagpanaw ngadto sa laing kalibutan sa kanhi Sinulog Foundation Inc. (SFI) executive director ug banggiitan nga sports organizer nga si Ricky Ballesteros.

Nasayran nga si Ballesteros, 57-anyos nitaliwan ngadto sa laing kalibutan niadtong Sabado.

Sa official statement sa maong grupo ilang gisaysay nga si Ballesteros maoy usa sa ilang mga adviser.

“We, the Lumad Basakanon was greatly saddened by the death of one of the high caliber pillars in arts and culture and Sinulog Festival, sir Ricky Ballesteros. He passed away yesterday July 8, 2023.  Sir Ricky is one of the best critique and advisers of Lumad Basakanon.”, padayag sa grupo.

Nasayran nga usa unta si Ballesteros sa mga mouban sa Lumad Basakanons sa umaabot nga grand parade sa Aliwan Festival karong Hulyo 15, 2023.

Mao kini ang pagbalik sa pisikal nga kompetisyon sa Aliwan human kini nakapahuway gumikan sa pandemiya.

“He gives tips on how to win whenever the group joins a competition nationally or internationally. His unwavering support rooted in the hearts of Lumad Basakanon. Thus, he will never be forgotten”, tipik sa pamahayag sa Lumad Basakanon.

Nipadangat usab sa iyang pahasubo si Cebu Provincial Board Member Red Duterte  kinsa nagpasalamat kang Ballesteros sa pagtabang og hulma niini sa Panagbagat Festival sa Lungsod  Poro ug sa  Katung-gan Festival sa Lungsod sa Tudela.

“Your passion, dedication, and brilliance in the field of arts, culture and festival and sports management will live on forever…For the upcoming Pasigarbo sa Sugbo, Poro and Tudela will dedicate their performances to you”, matud ni Duterte pinaagi sa social media post niini.

Samtang ang Kongresista sa Dakbayan sa Lapu-Lapu City nga si Cindi King-Chan  nagbalik-lantaw usab sa ka maayo ni Ballesteros.

“Ricky Ballesteros was always supportive sa atong Kadaugan sa Mactan ug uban pang mga kalihohan sa atong syudad ilabi na sa mga festival. Siya sab ang ni introduce namo nila Mr. Jhun ug nag-facilitate nga maka-join sa Wonju Dynamic Dance Festival sa South Korea. Daghang salamat, Sir Ricky. You and your legacy will be missed”, tipik sa Facebook post ni Chan. —/BDB (BANAT NEWS)