P21.1 milyones gihatag nga hinabang sa Kapitolyo

CEBU, Philippines — Niabot sa P21.2 milyones nga pinansiyal nga hinabang ang gihatag sa Probinsiya sa Sugbo sa tulo ka mga local government unit atol sa ika-tulo nga stop sa caravan of services sa Kapitolyo.

Ang Dakbayan sa Mandaue nakadawat og P8.4 milyones nga financial assistance, P7 milyones ang Lungsod sa Consolacion ug P5.8 milyones sa Lungsod sa Cordova.

Ang maong hinabang gamiton sa mga LGU alang sa nagkadaiyang proyekto sa imprastraktura sa ilang mga lugar gikan sa barangay ngadto sa municipal ug city level.

Samtang duha usab ka bag-ong motorsiklo ang gi-award sa Kapitolyo ngadto sa Mandaue City Police Station 6 human nahimo kini nga kampiyon sa ikaduhang raound sa Sugbusog sa Estasyonan district level.

Si Police Major Manuel Cabanlit, hepe sa MCPS 6 maoy nidawat sa maong mga motor gikan kang Gobernador Gwendolyn Garcia uban nila ni Mandaue City Mayor Jonas Cortes ug mga bokal nga sila si Glenn Anthony Soco ug Jonkie Ouano. (BANATNEWS)