Maguwang napusposan sa manghod patay

CEBU, Philippines — Maguwang nga gikatahong maoy kun mahubog gikatahong aksidente nga napatay sa iyang manghud pipila ka oras human sa ilang sinukmagay diha sa Purok Atsuetes, Barangay Tubod, Minglanilla alas-4 kaadlawon Miyerkules sa kaadlawon.

Ang nakalas naila nga si Dario Taburnal, 55, samtang ang suspetsado mao si Bobby Taburnal, 47, manghod sa biktima parehong mga residente sa maong lugar.

Base sa imbestigasyon sa kapulisan natulog ang suspetsado sa ilang balay, sa dihang kalit niabot ang biktima nga gituohan nga nakainom.

Ang suspetsado dali kini nga nibangon ug gisumbag ang biktima sa makadaghan nga higayon nga niresulta sa ilang panaglayog ug tungatunga niini napusposan niya kini og gahi nga butang.

Dihang nauwang ang duha, gidala sa igsuon nilang babaye ang biktima aron makapahuway apan nadayonan na kini ug wala na nakamata pa og balik.

Gidala sa tambalanan kini apan gideklarar kini nga dead on arrival.

Ang kapulisan misikop sa manghod ug gipaabot kun mopasaka og kaso ang pamilya sa suspetsado.

Wala masayod ang manghud nga napatay diay niya ang iyang maguwang. Apan kini mitug-an sa kapolisan nga kanunay kini magmaoy kun makainom ug mahasol sila kanunay niini. —IBM (BANATNEWS)