Seawall sa duha ka sitio sa Poblacion Talisay masumpayan na

CEBU, Philippines — Ang pagpatrabaho sa seawall sa mga sitio sa Asan ug Kalubihan sa Barangay Poblacion, Dakbayan sa Talisay mapadayon na kini. Kini human nga ang kagamhanan sa siyudad naggahin na og pundo alang sa maong proyekto.

Si Kapitan Edward Alesna sa Barangay Poblacion nagkanayon nga pipila ka mga balay lang ang naprotektahan batok sa dagkong bawod tungod kay naputol ang pagtrabaho sa gitukod nga seawall.

Nasayran nga ang pundo nga gigahin ni Mayor Gerald Anthony “Samsam” Gullas Jr. malahos na ang seawall ug maprotektahan na batok sa bawod ang mga residente diha sa lugar. Si Alesna nikuyog sa mga taga Department of Public Works and Highways (DPWH) sa pagsusi diha sa lugar.

Ang mga residente sa diha sa nahisgutang mga lugar matag habagat ug dili maayo ang panahon kanunay kining apektado sa dagkong bawod nga mohapak. Gibana-bana nga masugdan ang maong proyekto sa unang buwan sa ikaduhang quarter niining tuiga. BDB (BANATNEWS)