Ipaubos sa virtual ang novena masses sa Fiesta Senior 2022

CEBU, Philippines — Sa pagsaulog sa Ika-457th Fiesta Senior ipahigayon ang virtual novena mass aron kalikayan ang paghugop sa debotos ni Senior Santo Niño ngamotambong sa maong kalihokan. Kini maoy resulta sa panagtagbo ug pamalandong sa mga kaparian sa Basilica Minore Del Santo Niño, Cebu City government ug Emergency Operation Center.

Ang tema karong tuiga mao ang “Santo Niño: Our Source of Communion, Life for Mission”.

Walay laing Fiesta Senior nga kalihokan nga himuon gawas lang sa motorcade procession sa opening salvo nga motuyok sa Cebu City inig ka Enero 7, 2022 hulip sa Penitential Walk with Jesus ug sa Visperas Motorcade Procession nga motuyok sa Cebu City, Talisay City, Mandaue

City, Lapu-lapu City, ug Lungsod sa Cordova inig ka Enero 15, 2022 imbes nga solemn foot procession.

Gipahibalo sa mga kapariang  Augustinian nga atol sa novena ug fiesta mass ang simbahan bukas sa publiko alang sa mohalad og kandila, prayer

intentions ug sa moyukbo kang Santo Niño gikan sa alas 4:30 sa hapon ngadto sa alas 7:30 sa gabii. Adunay ibutang nga altar sa Santo Niño alang sa veneration diha sa sanctuary sa pilgrim center ug ang candle area ibalhin usab sa pilgrim center.

Walay public veneration sa original nga imahen sa Santo Niño sulod sa simbahan tungod kay sirado kini sa publiko ilabi na nga online ang novena mass.

Dili usab mopahimutang og mga LED ug public speakers sa vicinity ug palibot sa BMSN paglikay sa paghugop sa mga tawo ug maimplementar gihapon ang physical distancing protocol.

Adunay napulo ka misa nga ipahigayon sa usa ka adlaw ug tanang simbahan sa Archdiocese of Cebu ug nagkadaiyang chapter sa Cofradia del Santo

Niño de Cebu nga mohimo og novena mass sa maong mga adlaw sa ilang mga nagkadaiyang parokya.

Samtang Si Police Lieutenant Colonel Ryan Devaras, Deputy City Director for Administration sa Cebu City Police Office (CCPO) nagkanayon nga andam na sila sa pag-implementar sa seguridad alang sa kasaulogan sa

Fiesta Senior diin 145 ka personnel ang ipakatap sa tibuok nga kasaulogan.—  Iris Hazel Mascardo (BANAT NEWS)