30 mil tinun-an sa Consolacion gihatagan og mga gamit

CEBU, Philippines — Mga tunghaan sa Consolacion nakadawat og ayudang school supplies ug mga ekipo gikan sa munisipyo.

Kining maong mga gamit gitagan alang sa gibana-bana nga moabot ngadto sa 30 mil ka mga tinun-an sa elementarya ug high school. Sa report  sa Facebook page  sa LGU Consolacion, nitunol sa maong ayuda ngadto sa Department of Education -Consolacion mao sila si  Mayor Joanes Joyjoy Alegado, Konsehal Ely Palang kinsa chairman sa committee on education ug SK Federation President Carlos Donn Flores.

Adunay duha ka school districts ang Consolacion  nga gidumala nila  ni Dr. Remedios Lupo ug Mr. Raul Jumao-as.

Pipila sa ilang nadawat mao ang kapin sa duha ka libo nga reams sa bond papers, 12 ka photocopiers, 19 ka printers, tulo ka laptops ingon ma usab mga ink ug toners.

Ang pundong gigamit sa pagpalit niini gikan sa  Special Education Fund. Nasaran nga gamit kaayo ang bond papers ilabi na nga naka-modules ang mga tinun-an karong panahona.— IBM (BANATNEWS)