Kapitolyo nipagawas na sa hinabang

CEBU, Philippines — Mahimo na nga makuha sa mga mayor sa Lalawigan sa Sugbo ang financial assistance gikan sa Kapitolyo diin ang paghatag sa tseke gisugdan kagahapon.

Ang Probinsiya sa Sugbo nigahin og P373milyones alang sa pito ka component cities ug 44 ka lungsod samtang ang tibuok probinsiya gipaubos sa enhanced community quarantine.

Ang ayuda alang kini sa pagpalit sa mga mayor og mga batakang panginahanglan sa mga konstituwente sama sa bugas, de lata, sabon ug uban pa.

Si Gob. Gwendolyn Garcia nipahimangno sa mga mayor nga ayuhon ang pag-apod-apod ug unahon ang mga angay i-prioritize sama sa mga kabus, nawad-an og trabaho, senior citizens ug bisan katong mga persons under monitoring (PUM) nga wala na masweldohi human gipaubos sa 14 ka adlaw nga home quarantine.

“I have instructed our department heads that all prices in the procurement of the items that we are distributing to our LGUs should be posted to show nga mao na ang pagpalit,” matud ni Garcia. /GMR (BANATNEWS)