Pamilyang Osmeña mamakasyon sa Amerika

CEBU, Philippines — Ang pamilya Osmeña gikatakdang magbakasyon ngadto sa Amerika karong Hulyo 24 aron didto magselebrar sa ilang adlawng natawhan.

Si Konsehal Margarita "Margot" Osmeña nagkanayon nga siya ug ang iyang bana nga si outgoing mayor Tomas Osmeña magsaulog sa iyang ika-70 nga adlawng natawhan samtang ang outgoing mayor magsaulog sa iyang ika-71 nga adlaw'ng natawhan.

Mahuman na ang ikatulo nga termino ni Margot isip konsehal sa dakbayan samtang si Tomas, kinsa napildi ni Mayor-Elect Edgardo Labella, mopahuway una sa politika sugod sa udto sa Hunyo 30.

Si Margot nagkanayon nga siya ang miinsister nga ipa-check-up niya ang iyang bana bisan og ang mga doktor niini miingon nga naayo na sa sakit ang mayor.

Dugang niya nga ipadayon na unya ang nakanselar nga pag-opera sa hernia sa mayor ug himuon kini ngadto sa M. D. Andersons Cancer Center sa Houston, Texas kay ang mga doktor niini mao ang nag-opera kang Tomas niadtong 2008 human kini na-diagnose nga adunay kanser sa iyang urinary bladder o pantog. (/DILT)(BANATNEWS)