2 nag-motor patay sa disgrasya

CEBU, Philippines - Patay ang duha ka tawo sa disgrasya sa may National Highway, Cogon, Dakbayan sa Bogo niadtong Lunes sa gabi.

Ang nakalas naila nga sila si Randy Catamco, 22, drayber sa motor ug Kempie Cumayas, 14-anyos.

Ang naangol mao si Christian Lucero, 12, samtang ang drayber sa trailer mao si Joeffrey Velasco, 63-anyos.

Matud ni Police Officer 3 Jerry dela Cruz nga niigo ang motor sa walang bahin sa trailer.

Sumala pa ni dela Cruz nga nakalas ang duha dihang gidala sa tambalanan ug ang naangol ang padayon pa nga giatiman sa mga doktor.

Nagtingkagol pa sa selda si Velasco ug nagpaabot sa unsay lakang nga himoon sa tagtungod sa mga nakalas. (BANAT NEWS)