Action sa IEC theme song itudlo sa mga pari
CEBU, Philippines - Gitudloan na ang kaparian sa Archdiocese of Cebu sa aksiyon sa theme song sa International Eucharistic Congress 2016 nga mao ang Christ In You Our Hope of Glory.
Atol sa Christmas Party sa mga pari niadto’ng Disyembre 28, gitahas ni Archbishop Jose Palma sa Commission on Youth ang pagtudlo sa kaparian sa action song.
Matud ni Edna Cahimat sa Commission on Youth atol sa mao’ng party nga aduna na sila’y mga natudloan nga kaparian sa action song pero dili tanan tungod kay dili man tanan pari nanambong tungod kay natunong sa ordinasyon sa mga diyakono.
Sumala pa ni Cahimat nga mao’y tinguha ni Palma nga mahibalo gyud ang mga pari sa action song aron atol sa IEC makahimo usab sila pagsayaw.
Gibutyag ni Cahimat nga magpaabot sila gikan sa ila’ng labaw kung kanus-a gyud hingpit ang pagtudlo ngadto sa tanang kaparian. (BANAT NEWS)
- Latest
