Katahom sa Probinsya sa Sugbo ipakita sa tarpaulin sa carousel route
CEBU, Philippines – Mga higanteng tarpaulins nga nagpakita sa katahom sa lalawigan sa Sugbo gisugdan na pagbutang sa carousel route sa Sinulog Grand Parade sa Dakbayan sa Sugbo nga ipahigayon sunod buwan.
Ang maong mga tarpaulins gibutang diha sa Osmeña Boulevard nagpakita sa katahom sa kinaiyahan sa Isla sa Camotes ug mga maanindot nga kadagatan sa Isla sa Bantayan ug ang nabantog nga Butanding sa Lungsod sa Oslob.
Matud pa ni Ricky Ballesteros ang Executive Director sa Sinulog Foundation nga lahi na usab karon nga mga hulagway ang ilang ibida sa mga tarpaulins diin makita na ang mga matahom nga bunga sa kinaiyahan sa probinsya.
Sumala pa ni Ballesteros nga tumong nila karon nga mapakita sa mga bisita sa Sinulog ug sa International Eucharistic Congress ang mga maanindot nga suroyanan nga gipanag-iya sa lalawigan sa Sugbo nga lisod na adtoon sa mga dumuduong gumikan sa kalayo.
Gipadayag ni Ballesteros nga gituyo nila ang pagpasundayag sa mga tourist destinations sa probinsya tungod kay dali na man lang tultulon ang mga suroyanan nga naa nahimutang dinhi sa Dakbayan sa Sugbo. – /EIM) (BANAT NEWS)
- Latest
