Niliso sa CCTV nakuha sa laing cam

CEBU, Philippines - Nailhan lang gihapon sa kapolisan ang nilungkab sa usa ka establesamento sa dakbayan sa Mandaue kinsa niliso pa sa close circuit television (CCTV) camera.

Ang mga suspek nailhan nga sila si Clifford Tamayo, 22, ug Franklin Bautista Rabanes, 21, pulos taga barangay Cambaro sa maong dakbayan ug kanhi trabahante sa Plasticell Marketing ug MFG Corporation nga nahimutang sa dalan Vega, Puroc 2, Cubacub sa maong dakbayan.

Sa wala pa buhata sa mga suspek ang pagapanglungkab, nakuha sa laing CCTV camera ang pagliso sa usa ka CCTV camera sa pamasin nga dili sila makuhaan og video.

Nakuha ang P30,000 nga salapi sa kompaniya ug gidala sab ang laptop nga nagkantidad og P25,000 dayun sibat. (BANAT NEWS)