Caddie nagtong-its gidunggab

CEBU, Philippines – Usa ka lalaki ang gisumbag dayun gidunggab sa iyang higala atol sa ilang pagduwa og tong-its sa Lower Matumbo, Pusok, dakbayan sa Lapu-Lapu niadtong Lunes sa gabii.

Si PO1 Jomar Florentino sa Lapu-Lapu City Police Office niila sa biktima nga si Enrique Valiente, 35-anyos, residente sa maong dapit ug caddie sa Mactan Island Golf Club.

Si Valiente nakigduwa og tong-its sa suspek nga si Gary Dela Fuente, 35-anyos, kinsa nagpuyo ra sab sa gihisgutang lugar samtang nagtagay hangtud nangahubog ug nitumaw ang panaglalis.

Ang biktima nakaangkon og samad sa tuo nga abaga ug gidala sa tambalanan samtang nisibat si Dela Fuente. – /GMR) (BANAT NEWS)