Piniliay sa Sirao hapsay

CEBU, Philippines - Hapsay ug  malinawon ang piniliay  sa  barangay  Sirao, sa dakbayan  sa Sugbo  kagahapon.

Ang  Commission  on  Elections (COMELEC) mitukod og  13 ka presinto  alang  sa kapin  sa 2,000  ka  rehistradong  botante  sa maong  barangay.

Si SPO2 Joselito Yongao  sa Cebu City Public Safety Office  sa Cebu City  Police  Office mikonpirmar  nga  sa wala  pay  alas 7:00  sa buntag  daghan  na  ang  mga  botante  nga  nag-atang  sa pultahan  sa ilang  mga  presinto  aron  makabotar  og  sayo.

Midugang si SPO2 Yongao nga  nasaksihan nila ang kamalinawon  sa  maong  piniliay  tungod  kay  ang  mga  botante  igo  lang  mituman  sa ilang  katungdanan  sa pagbotar.

Samtang  si  Jesus Bontuyan Jr. kinsa  kandidato  sa pagka-kapitan  sa barangay  nagkanayon  nga  nagtuo  siya  nga  may tension  sa  wala pa ablihi  ang  mga  presinto, apan  nasuta  nga  malinawon  ra  ang  tibuok  kalihokan.

Samtang  si Felix Limotan, kinsa  kaatbang  nga  kandidato  ni   Bontuyan  sa pagka-kapitan  igo  lang  miingon  nga  relax  kaayo  siya  kay nag-agad  man  siya  sa pulso  sa katawhan.

Ang  Sirao  usa  sa  mga  bukirang  barangay  sa dakbayan  sa Sugbo  nga  wala  mahilista  isip  areas of concern  sa kapolisan.(/WC) (BANAT NEWS)