Prendahanan sa Naga gitulis

CEBU, Philippines - Mikabat  sa P3 mil ang  salapi  nga  nasakiyo  sa duha  ka wala  hiilhing  armadong  mga  tawo  nga  mitulis  sa MLhuillier Pawnshop  sa barangay Inayagan  dakbayan sa Naga  kagahapon  sa hapon. Sa report sa TV Patrol Central Visayas nasuta nga ang mga tulisan giingong misulod sa maong establisemento diin ang usa niini nangutana pa sa cashier  kun unsaon  sa pagpadala og kuwarta.

Dihang gihinabi na sa cashier giingong mideretso na kini sa pagdeklarar og tulis uban sa pagtion sa armas ngadto  sa kahera.

Gihulagway nga walay Close Circuit Television  (CCTV)  camera   ug wala usab kini gwardiya  ang  maong  prendahanan.

Samtang ang CCTV camera sa barangay nga gipakatap sa dapit maoy gilauman karon nga makita kun si kinsa ang duha ka tulisan.

Sa inisyal nga pagkuwenta sa nakuha sa tulisan mokabat sa P3 mil ang kantidad sa cash ang nakawat.

Ang maong estilo sa pagpanulis susama sa nahitabo sa Palawan Express Pera Padala niadtong Martes sa buntag  duol sa Mabolo  Police  Station, dakbayan  sa Sugbo. (BANAT NEWS)