“No Fly Zone” ipatuman sa Mactan Channel atol sa fluvial procession
CEBU, Philippines - Miluwat og kamanduan ang Civil Aviations Authority of the Philippines (CAAP) nga “no fly zone†ang Mactan airspace sa umaabot “fluvial procession†karong petsa 19 ning bulana.
Matod pa ni Juvy Toring ang tag-iya sa Indiana Aerospace University (IAU) nga nakadawat na siya og kopya sa mando sa CAAP pinaagi ni CAAP Director Retired Gen. William Hotchkiss nga nagmando niini karong Enero 19, 2013.
Gidid-an ang tanang abyon nga molupad atol sa oras nga gipahigayon ang “fluvial procession†sa imahe ni Sr. Sto. Niño sa Mactan Channel sugod sa 6:00 sa buntag.
Kini aron masiguro ang kaluwasan sa mga abyon nga molabay sa airspace sa Mactan diin sigun sa milabay’ng pagpahigayon niini adunay mga magpalupad og pabuto ug mga gagmay’ng abyon nga mohulog og mga bulak sa prosisyon.
Gumikan niini bugtong ang IAU nga four-seater plane lang gihatagan og pagtugot nga mohimo og floral dropping sa maong kalihukan.
Sa maong kamandoan ibalik ra usab ang paglibkas sa maong order human sa mga kalihukan sa dagat diin posibleng mga 9:00 sa buntag mabalik na sa normal ang operasyon sa mga abyon nga mobiyahe sa lalawigan sa Sugbu.
Kahinumduman nga lakip sa naghatag og kamabulokon sa Fluvial Procession mao ang paghulog og mga bulak sa prosesyon gikan sa Philippine Air Force choppers ug sa mga pribadong abyon gikan sa pagsugod hangtod sa pagsulod sa imahen sa simbahan sa Basilica del Sto. Niño. (EIM)(BANAT NEWS)
- Latest
