Elderly Filipino Week sa Asturias, Cebu

CEBU, Philippines - “Nakatatanda, Sa Bisa ng RA 9994, May Dangal, Nagkakaisa, Buhay ay Guminhawa,” mao kini ang tema sa pagsaulog sa Senior Citizens Week, gipasiugdahan sa Municipal Federation of Senior Citizens Associations of the Philippines, Asturias Poblacion Chapter. Ang usa ka semana nga kasaulogan (Oct. 1-7) naglangkob ning mosunod:   Opening Ceremony; Visiting Sick Members; Jail Visitation; Gardening & Tree Planting, Chapter Fellowship, ug sa katapusang adlaw, pagtuman sa Sunday Obligation diin duha ka Santos nga Misa-Pasalamat ang saulogon sa Sta. Lucia ug San Roque Parishes.

Ang unang adlaw gibuksan sa usa ka parade gisalmotan sa 23 ka barangay chapter sa Agbanga, Agtugop, Bago, Bairan, Banban, Baye, Bog-o, Tubod, Langub, Lonas, Looc Norte, Magcalape, Manguiao, New Bago, Owak, Poblacion, San Isidro, San Roque, Sta. Lucia, Sta. Rita, Tag-amakan, Tubigagmanok, ug Ubogon.

Ang programa tapus sa parade, gisugdan pinaagi sa Doxology sa Poblacion chapter ug National Anthem, with Mrs. Flordecita T. Rallos, conducting. Ang Acknowledgement sa mga nanambong, gihimo ni Mrs. Felecidad Margaja, Federation Secretary; dayon ang Welcome Address ni Mr. Guillermo Serundo, Federation President. Ang Asturias DepEd Retirees Association mipasundayag sa ilang Surpirse Number.

Si Konsehal Celso R. Cañada, OSCA Chairman mihatag og mensahe, gisundan sa pagpahibawo sa mga kalihokan sa semana, ni Mrs. Nenita M. Estrella, Looc Norte Chapter President.

Sa iyang Inspirational Message, si Mayor Alan L. Adlawan, ang pinasidunggang dinapit, mipahalipay sa mga senior citizens ug misaad sa kanunay niyang support ug sa Konseho, sa mga kalihokan sa senior citizens sa Asturias. Ang closing remarks gihatag ni Mrs. Lina M. Juariza, OSCA Head. Si Mr. Rodulfo N. Fajardo maoy nag-emcee.

Ang nagpaluyo sa mga kalihokan, ang komite: Program, Rudy Fajardo; Invitation, Lina Juariza; Sounds, Guilly Serundo; Stage Décor, Eddie Montebon; Snacks, Gisela Velasco sa MSWD; ug Physical Arrangement, Joven Mahilum, Ely Sanipa, ug mga Senior Citizen volunteers.

Sa iyang fax message nganhi kanato, gipaagi sa dyRC, si Eddie Montebon, presidente sa Poblacion Chapter, sa ngalan sa Municipal Federation of Senior Citizens of the Municipality of Asturias, nagpasalamat sa tanan nga mitampo aron magmalampuson ug magmadasigon ang pagsaulog sa Elderly Filipino Week sa Asturias.

Atong pasalamant kang Eddie Monteban sa iyang pagpadala nganhi kanato sa ilang mga kalihokan sa senior citizens sa Asturias. Off the air kita sa miaging Sabado, hinungdan nga wala kini nato mahisguti sa atong tulomanon Senior Citizens Hour. (BANAT NEWS)