CCJZ pormal na nga naestablisar

CEBU, Philippines — Ang Cebu City Justice Zone (CCJZ), usa ka multi-agency body nga nagtabang sa pagpaloag sa jail, mga kalangan sa korte ug ubang problema sa justice system sukad niadtong 2018 ang na-institutionalized na pinaagi sa ordinansa nga gipalabang sa konseho sa Dakbayan sa Sugbo.

Ang maong ordinansa pormal nga nag-establisar sa CCJZ isip permamenteng mekanismo sa lokal nga panggobiyerno nga maghiusa sa mga korte, prosecutors, law enforcement agencies, jail authorities, lokal nga mga buhatan sa gobiyerno, civil society groups ug academic institution sa pagpausawag sa koordinasyon ug pagpalig-on sa paghatag sa serbisyo sa hustisya sa Dakbayan sa Sugbo. Ang nahisgutang ordinansa gipangamahan ni Konsehal Paul Labra diin tumong niini ang pagsiguro sa pagpadayon, pundo ug sustainabliti sa justice-sector reforms nga giimplementar sa Dakbayan sa Sugbo ubos sa Justice Zone framework.

Ang maong ordinasa naumol taliwala sa padayong problema sa mga backlog nga kaso sa korte, naghuot nga detention facilities, barriers alang sa legal assistance ug panginahanglan sa lig-on nga rehabilitasyon ug reintegration programs alang sa mga person deprived of liberty (PDLs)

Atol sa public hearing sa ordinansa, si Executive Judge sa Cebu City Regional Trial Court ug convenor sa CCJZ Anacleto Debalucos nagkanayon nga ang Cebu City Justice Zone naestablisar niadtong Oktubre 2018 ubos sa Justice Sector Coordination Council (JSCC), usa ka kolaborasyon sa Korte Suprema, Department of Justice ug Department of Interior and Local Government.

Ang Cebu City nahimo nga ikaduhang Justice Zone sa nasud sunod sa Quezon City.