Korean mihimakak nga dunay rape nga nahitabo
- Rey Pasaporte (The Philippine Star) - June 27, 2012 - 12:00am

CEBU, Philippines -  “I did not even touch her, there was no rape!” Kini maoy gisulti sa usa sa duha ka Koreano nga gipasanginlang milugos sa duha ka Haponesa niadtong Sabado sa kaadlawon sa usa ka motel diha sa dakbayan sa Lapulapu.

Si Jong Duk Lee, usa sa duha ka suspetsado nagkanayon nga naluoy siya sa duha ka Haponesa kay hubog niadtong higayona maong sila sa iyang higalang si Carl Park nakahukom nga dad-on nalang sila sa motel aron makapahuway.

Si Lee ug Park kasamtangan hinuong gitanggong sa detention cell sa CIDG-7 samtang gipaabot nga ibalhin sa Lapulapu City Jail.

Si Inspector Delfin Bontuyan ug SPO2 Roel Leyson,sakop sa CIDG-7 maoy midala kang Lee ug Park ngadto sa Lapulapu City prosecutor's office alang sa commitment order nga iisyu kanila.

Atol sa interbyu, si Lee  miingon nga wala gyud niya hilabti ang usa sa duha ka Haponesa. Giklaro niyang ang duha maoy nanghagad kanila nga magkita sa SM ug mihagad pa nga mangadto sa Busay.

Ang mga reklamante usab maoy nanghagad kanila nga manginom diha sa General Maxilum Avenue hangtud nga sila nangahubog matud pa ni Lee.

Ang abogado sa mga suspetsado nga si Benjamin Negapatan nangangkon na og sayong kadaugan sa iyang kliyente tungod kay nagtuo siyang gawas nga walay nahitabong pagpanglugos sa duha ka biktima dugang pa niini nga ang usa sa mga reklamante miuli naman sa Japan niadtong Lunes sa buntag.

Sumala pa usab sa report sa TV Patrol Central Visayas kagahapon walay suportang nadawat ang mga biktima gikan mismo sa ilang konsulada dinhi sa Sugbu.

 (BANAT NEWS)  

BENJAMIN NEGAPATAN CARL PARK DUHA GENERAL MAXILUM AVENUE HAPONESA LAPULAPU CITY LAPULAPU CITY JAIL PATROL CENTRAL VISAYAS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with