Abogado ni Sumabong mo-file og motion

CEBU, Philippines - Motion for reconsideration maoy giplanohang isang-at sa abogado sa konbiktadong si Nemuel Sumabong sa pagpatay ni anhing manlalaban Richard Sison.

Si manlalaban Wendell Quiban, abogado ni Sumabong mibutyag nga moduso sila og motion for reconsideration kalabot sa pagkakonbikto sa iyang kliyente.

Midugang si Quiban nga aduna usab silay iduso nga mosyon sa umaabot nga mga adlaw.

“Samtang ang National Bureau of Investigation (NBI) mihimo na usab og lakang aron gayud masubay ang mastermind sa pagpusil patay ni Sison sumala sa hangyo sa pamilya niini. Si Sumabong maoy gitumbok nga gunman   kang Sison didto sa dalan M.J. Cuenco Ave. sa barangay Tinago niadtong Mayo 21, 2008.

Niadtong Martes gihukman sa sala ni RTC Branch 10 Judge Soliver Peras nga sad-an si Sumabong sa pagpatay ni Sison base usab sa gibutyag sa mga saksi sa maong insidenti.

Apan si Sumabong padayon gihapon sa pagpanghimakak sa maong pasangil.

(BANAT NEWS)