^

Banat Balita

Dizon mikuwestiyon sa trabaho ni Ponce

- Ni Sanden J. Anadia/WC -

CEBU, Philippines - Gikuwestyon ni Konsehal Alvin Dizon ang consultant ni Mayor Michael Rama gumikan sa kapakyas niini pagsuwat sa iyang kontrato kun unsa gyu’y tinuod niyang trabaho sa city hall.

Matud pa ni Dizon nga si manlalaban Jade Ponce maoy consultant sa Health, Environment and Waste Management ug Labor Issues sa city hall apan wala niya kini hisgoti sa iyang kontrata. Mipasabot si Dizon sa iyang kahibulong kay si Ponce mao na man karon ang nagsilbing tigpamaba ni Rama kalabot sa isyu nga may  labot sa yuta sa mga Rallos.

Apan si Ponce sa iyang bahin mipadayag nga wala’y sayop sa iyang gibuhat kung gihimo siyang legal consultant sa mayor sanglit gihulagway niya kini nga usa ka “extra work” niya.

Iyang gipasabot nga gitanyag lang niya ang iyang katakos sa pag-atiman sa mga legal nga gimbuhaton sa City Hall.

Matud pa ni Ponce nga igo ra siyang mituman sa mando sa mayor ug dili siya mobalibad kung tahasan siya og laing mga gimbuhaton. Ning maong isyu nagkatinubagay sila si Dizon ug Ponce atol sa sesyon sa konseho kagahapon . Nangutana si Dizon kang Ponce kung pilay grado niini sa bar exam apan wala na kini tubayi ni Ponce.

Samtang si Konsehal Joey Daluz misaysay nga mahimo ra nga makabuhat   ang usa ka consultant sa unsa mang gimbuhaton niya sa City Hall basta may kamandoan gikan sa mayor. Si Kapitan George Rama sa Pahina San Nicolas kinsa ig-agaw ni Mayor Michael Rama misaway sa gihimo ni Dizon nga pagsukit bahin sa grado ni Ponce sa pagkuha  niini og bar exam. Matud pa ni Rama nga layo na kaayo ang maong isyu ug angay masayud si Dizon nga sa 5,000 ka mga mikuha og bar exam, usa si Ponce sa 800 nga nakapasar niini.

Busa alang kang Rama dili kini angayang pakagamyon ni Dizon ang nakab-ot nga kaalam ni Ponce sa natad sa abogasiya.

Hinuon bisan pa sa maong lalis, gi-renew gihapon sa konseho ang kontrato ni Ponce isip consultant sa kagamhanan sa siyudad.  - BANAT NEWS

CITY HALL DIZON ENVIRONMENT AND WASTE MANAGEMENT IYANG KONSEHAL ALVIN DIZON MATUD PONCE RAMA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with