RATED R

Gadaffi blues!

Kung ako’y paumolon og titulo sa kinabuhi sa napukang pangulo sa Libya Moammar Gadaffi haom sa iyang sugilanon ang ulohang "Hayop ka man moluklok ka usab".(Toink!/Aguy!) hehehehehehe sounds familiar?

Diha noy seremonya sa pagpamunyag.

Pari: Unsay ngalan sa bata?

Buloy: Hosni Mubarak padre para isog ning akong anak.

Pari: Diktador sa Ehipto isog tinuod. Ang imo brod?

Mengoy: Saddam Hussein padre para labaw pang isog.

Pari: Labaw nga isog tinuod, Diktador sa Iraq gisentensyahan og bitay. Ang imo?

Bitoy: Moammar Gadaffi aron molabaw pa kaisog namatay sa gubat.

Pari: Oy dili isog, wala man to mamatay sa bala.

Bitoy: Ha! unsa man diay namatyan padre?

Pari: Napakong sa imbornal.(Toink!/Ayay!)

Hehehehehehehehehehe!

Buot sa NATO nga masusi nganong gipatay si Gadaffi. Unang mitumaw nga nahutdan sa dugo ang giilang bangis nga lider. Dunay nag-ingong gipusil sa ulo bisan og nadakpan na. Duna say nag-ingon nga gisuroy si Gadaffi dihang nasikop hinungdan nga natiwas tungod sa pagkorte sa mga Libyahanon nga nasuko kaniya.

Pero dunay nagduda nga bayot nga rebulosyonaryo ang nagtiwas niya. Kay sa dihang miingon si Gadaffi nga "Don't shoot me my sons" milanog ang usa ka buto.

Rebulosyonaryo 1: Hoy! nganong imo mang gipusil gitawag pa gani ta og "my sons".

Rebulosyonaryo 2: My son og ikaw nya ako dili man.

Rebulosyonaryo 1: Unsa man diay ka?

Rebulosyonaryo 2: Daughter ko no, daughterrrrrrrr ko da da da..(Toink!/Iho!) Hehehehehehehehehe!

Ang pagkapukan ni Gadaffi sa iyang kaugalingong katawhan subling nagpamatuod nga walay si bisan kinsa nga magpuyo sa gahom ug kahakog nga modayon. Maubos ka man o labaw ang tanan dunay katapusan.

Ang swerte ni Gadaffi nga didto siya sa Libya nanghawod ug wala dinhi sa Pilipinas. Kay og dinhi pa sa atong nasud siguradong wala siya’y imbornal nga kaloklokan kay pulos barado.(Toink!) Og kun duna man dili siya matapos sa bala kun dili sa baha.(Aguy!)

Diha noy pastor nga giduol og Muslim nga nagpakunsolta.

Muslim: Pastor mahimo kaha nga magpabunyag ko sa inyo pero Muslim lang nga ngalan akong gamiton?

Pastor: Ay dili mahimo igso, kun magpabunyag ka sa amo Kristiyano nga ngalan atong gamiton.

Muslim: Sayang kay kun pwede magpabunyag ta ko sa ngalang Saddam ug dili Hosni o kaha Gadaffi mohatag ko’g usa ka milyon bisan asa anang ngalana.

Pastor: Ay wala man ka magsuti igso nga walay apil ang apelido, kun sa amo ok ang ngalang Ian Christian Charles bunyagan tika sa ngalang Saddam Hosni Gadaffi aron mahingpit ang 3 milyon.

Muslim: Aguy!(Toink!/Estoryaheeeeeeeeeeee!) Hehehehehehehehehehe!

* * *

(emailad:[email protected].)