Napalgan nga patayng lawas

CEBU, Philippines - Usa ka patay’ ng lawas sa wala hiilhing lalaki ang napalgan nga naglutaw-lutaw sa kadagatan sa dakbayan sa Danao sa miaging buntag.

Ang hepe sa Bantay Dagat nga si Artemio Miro sa maong dakbayan kinsa maoy unang nakakita niini mitaho dayon ngadto sa kapolisan sa Danao.

Sa gihimong pagresponde sa kapolisan sa pagpanguna ni SPO1 Maximiano Banilad nasakwat nila gikan sa dagat ang patay’ng lawas sa tawo nga nagsul-ob og itom nga t-shirt ug khaki nga purol.

Human ini ila kining gidala ngadto sa Danao District Hospital aron ipa-eksamin sa mga doktor. Hangtod sa pagsuwat ning maong balita kagahapon wala pa gihapoy nakaila sa maong lawas patay.

Kasamtangang gihaya ang maong patay’ng lawas sa St. Jude Funeral Parlor sa Danao ug nagpaabot sa mo-claim nga tagtungod niini. (BANAT)