Plaza Ouano tangtangon – Cortez

Si Jonas Cortez kinsa maoy napiling bag-ong mayor sa dakbayan sa Mandaue miingon nga dili usa ka political persecution ang iyang lakang nga bungkagon ang proyekto nga Plaza Ouano.

    Sumala pa ni Cortez nga ang paghimo sa Plaza Ouano pinaagi sa usa ka MOA wala masibo sa resolution nga gitugot sa konseho sa dakbayan kini tungod kay ang maong luna gitugot lang nga usa ka Heritage Park alang niadtong mga tawo sa Mandaue nga nakahatag og dungog sa ilang dapit.

 Suma pa niini nga wala masubay ang MOA nga gihuptan sa kagamhanan sa dakbayan kini tungod kay gibutang man sa  MOA ang mga pasidungog mahatag lang usab sa mga tawo nga nitaliwan ug nakahatag og kaayuhan sa bisan asang dapit.

Nunot niini iyang giklaro nga sa iyang opinyon wala na masubay ang lakang sa mga Ouano nga mapasidunggan si Pedong niini diin tataw man nga Heritage Park lang ang ilang gitugot ug dili mahimo nga ipamugos ang giduso ni Ouano.

Kun masayran nga si Cortez misaad niadto nga kun mapili sa pagka mayor iyang ipatangtang ang tanang mga hulagway ni mayor Thadeo Ouano nga gipamutang sa nagkadaiyang lugar diha sa Mandaue.

Si Cortez mipasalig nga ang iyang pamunoan usa ka consultative ug bukas ngadto sa bisan kinsa ang moduso sa ilang mga maayong lakang alang na sa iyang pagpaduol sa katawhan