Hulyo 18, 2014

Pagtitibay: Sa lahat ng tagumpay ko, iniaangat ko ang Dios na Siyang nagkakaloob ng lahat ng kabutihan sa sanlibutan.

CANCER (Hunyo 22 - Hulyo 22) – Ang hindi pagkakasundo ng mga ideya ay siyang magbibigay ng kalungkutan o katamlayan. May ilang taong nagnanais na gamitin ka sa pansarili nilang interes, ito ang iyong dapat ingatan. Lucky numbers at color for the day ay 13, 17, 37, 44 at orange.

LEO (Hulyo 23 - Agosto 22) – Lawakan ang pang-unawa at matutong magpaubaya. Malulutas ang suliraning bumabagabag sa sarili. Lucky numbers at color for the day ay 17, 19, 31, 42 at ivory white.   

VIRGO (Agosto 23 - Setyembre 23) – Ang patuloy na pagsisikap ang magiging daan para maisa­katuparan ang mga binabalak. Ang pakikipag-ugnayan sa sulat, telepono o anumang uri ng komunikasyon ay mahalaga ngayon dahil may makukuha kang mahalagang impormasyon. Lucky numbers at color for the day ay 10, 17, 25, 29 at cannary yellow.

LIBRA (Setyembre 24 - Oktubre 23) – Lawakan ang pang-unawa sa minamahal kahit masakit sa kalooban dahil magiging masungit ito dala ng init ng katawan. Ang malakas na pagkatao ay dapat sabayan ng matapat at magandang kalooban. Lucky numbers at color for the day ay 6, 18, 24, 34 at mustard yellow.

SCORPIO (Oktubre 24 - Nob­yembre 22) – Magiging masaya ang araw sa larangan ng pag-ibig. Malamang makakakilala ka ng isang mayamang biyudo na mag-aalay ng pag-ibig. Lucky numbers at color for the day ay 7, 12, 23, 43 at royal blue.

SAGITTARIUS (Nobyembre 23 - Disyembre 21) – Maganda ang palatandaan tungkol sa pag-ibig subalit huwag padala sa nada­ramang kapusukan dahil kalungkutan ang nasa unahan. Lucky numbers at color for the day ay 15, 25, 35, 45 at cherry red.

CAPRICORN (Disyembre 22 - Enero 19) – Hinahon at katiwasayan ng pag-iisip ang dapat pairalin. Dahil sa dami ng gawain magi­ging mainitin ang ulo mo at mada­ling magalit na dapat iwasan. Lucky numbers at color for the day ay 13, 15, 31, 37 at aquamarine.

AQUARIUS (Enero 20 - Peb­rero 18) – Sundin ang kutob ng kalooban at hindi ka magkakamali. Ang sikretong itinatago ay may pagkakataong madiskubre o ma-bulgar. Lucky numbers at color for the day ay 10, 15, 17, 42 at beige.

PISCES (Pebrero 19 - Marso 20) – Makakatagpo ng bagong kakilala sa pakikisalamuhang sosyal kung makakadalo. Mapalad sa itatayong negosyo kung magsisimula ngayon. Lucky numbers at color for the day ay 10, 18, 28, 45 at orange.

ARIES (Marso 21 - Abril 19) – Hindi angkop ang maglakbay ngayon lalo na kung tawiring­ dagat ang pupuntahan. Iwasang mapa­subo sa isang pakikipagsapa­laran. Lucky numbers at color for the day ay 11, 18, 22, 40 at brown.

TAURUS (Abril 20 - Mayo 20) – Pakinggan ang pangaral ng nakatatandang kaanak tungkol sa binabalak na negosyo. Huwag magpadalus-dalos sa gagawaing desisyon at baka magsisi. Lucky numbers at color for the day ay 5, 16, 30, 33 at blue.

GEMINI (Mayo 21 - Hunyo 21) – Lumalandas ka ngayon patungo sa katuparan ng iyong mga pa­ngarap, congratulations. Lucky numbers at color for the day ay 13, 26, 36, 38 at lavander.