Armado gidakop sa Tejero
CEBU, Philippines — Gidakop ang 20-anyos nga lalaki human nasigpatan nga naghupot og paltik nga armas sa Sitio Sampaguita, Barangay Tejero, Dakbayan sa Sugbo niadtong Domingo sa hapon.
Sigun pa ni PO2 Marlon Gonzales sa Cebu City Police Office Station 3 nga nakadawat sila og tawag gikan sa usa ka concerned citizen nga nagdala-dala sa iyang armas ang usa ka John Joel Nudalo, residente sa Sitio Alviola sa maong barangay.
“Nahadlok kuno sila nga basin magpasalba. Kay dungog na kuno na sa ila nga daghan kuno magpasalba. Kung ipabuto sa babaw, monaug gyud baya nang bala unya sikit-sikit ra ba na ilang balay diha,” sigun pa sa maong polis.
Nakuha ang usa ka paltik nga kalibre .357 nga adunay lima ka bala ug matud pa nga dihang gihiling kini, nadiskobrehan nga nagbitbit sab kini og usa ka granada.
Giapil sab og sakmit ang motor nga scooter nga gipanag-iya sa suspek diin matud pa sakyan unta niya aron makasibat. (BANAT NEWS)
- Latest
