Gikan Marawi gipaubos sa stress debriefing
CEBU, Philippines - Gipaubos sa stress debriefing ang 186 ka internally displaced persons gikan sa Marawi City nga nia sa Sugbo.
Kini gipahigayon kagahapon sa buhatan sa National Commission on Muslim Filipinos-Visayas nga gipangulohan ni NCMF Regional Director Malou Manonggiring.
Ang Turkiye Diyanet Vafki Foundation maoy nagpaluyo sa maong kalihukan alang sa mga pamilya nga anaa na sa Sugbo nunot sa kagubot sa Marawi City.
Matud ni Fateen Pangarungan nga gawas sa pagpaubos sa stress debriefing sa mga IDPs, aduna sab silay nadawat nga mga relief goods gikan sa maong foundation nga sarang nilang magamit sa ilang panimalay. Dugang pa ni Pangarungan nga ang maong mga pamilya anaa nanimuyo sa Dakbayan sa Sugbo, Lapu-Lapu, Mandaue, ug ubang bahin sa Sugbo. (BANAT NEWS)
- Latest
