Gidunggab patay tungod sa P20
CEBU, Philippines - Gidunggab patay ang usa ka mag-uuma sa iyang silingan sa Sitio Cabulijan, Ilihan, Dakbayan sa Toledo tungod sa personal nga bangi niadtong Domingo sa gabii.
Ang nakalas naila nga si Danilo Romanillos, 48, minyo, samtang ang suspek naila nga si John Vincent De Luna, 23-anyos.
Matud ni Edilyn Romanillos, anak sa biktima nga aduna nay bahad nga nadawat ang iyang amahan sa niaging buwan ug nasundan kini niadtong Domingo dihang natagakan og P20 ang iyang amahan ug giangkon sa igsuon sa suspek.
Sumala pa ni Romanillos nga samtang nagpahangin sa gawas sa balay ang biktima gikan nagkaon, kalit lang kining gidunggab sa suspek sa kuto-kuto hinungdan sa hinanaling kamatayon.
Dali sab nga nasikop si De Luna ug positibo nga giila sa saksi kinsa kapuyo sa anak ni Romanillos. (BANAT NEWS)
- Latest